Javi nagsalita na: Let’s choose to be kind

PUSH NA’YAN
ni Ambet Nabus

SA kanyang Facebook account naman ay nagpahayag na rin ng saloobin si Javi Benitez, isa sa dalawang anak nina Cong Albee at Mrs. Nikki Benitez.

Although wala naman itong sinabi hinggil sa demanda ng ina sa kanyang ama, nakiusap itong huwag umanong maniwala sa mga fake news at mga nakikisawsaw sa usapin.

Sinabi pa ng dating aktor na naniniwala pa rin sila ng kanyang kapatid na si Bettina na magkakaroon ng pagkakataon na maayos ang lahat sa kanilang mga magulang.

Nakalulungkot man daw na pinagpipiyestahan sila ngayon, umaasa pa rin siya na may magandang ending ang lahat.

Pero marami ang naintriga sa kanyang pahayag na sa mga taong totoo at tunay daw nakaaalam ng sitwasyon o mga pangyayari ay nagpapasalamat sila ng kanyang kapatid.

At sana raw ay makatagpo sila ng “tunay na pag-ibig, na hindi nasusukat sa pera, status o panlabas na imahe.”

Sa huli ay sinabi pa nitong maraming mga bagay ang dapat asikasuhin ng bansa at dapat ng mag-move on. “Let’s choose to be kind,” hirit pa nito.