Lovi buntis na nga ba?

MA at PA
ni Rommel Placente

MAUGONG ang balitang buntis na raw si Lovi Poe. Bagaman wala pang pagkompirma galing sa aktres, may mga reliable source na nagsasabing true ito. 

Pero ang nakakaloka ay seven months na how raw itong nagdadalantao.  

Walang nakapansin dahil rumampa pa ito sa isang sexy fashion show ng isang brand few months ago. Naka- two piece pa si Lovi kaya naman medyo mahirap paniwalaan na buntis na nga ito dahil nag-uumapaw ang kaseksihan. Pero hindi rin naman imposible dahil may mga babae namang maliit lang magbuntis.  

Pero kahit may ganitong chika hindi pa rin naman nagpapahinga sa trabaho ang aktres. 

Sa kasalukuyan, nagsu-shooting pa ito ng pelikula na produce ng film production nila ng asawang si Monty Blencowe, ang C’est Lovi. Ito ‘yung The Sacrifice na isinulat ni Jerrold Tarog at idinire ni Prime Cruz.

Well, wala namang masama kung true nga ang tsikang ito dahil 36 years old na rin si Lovi at kailangan niyang habulin ang pagkakaroon ng anak. 

Ikinasal ang aktres sa British na si Monty sa England noong 2023.