Nadia napatawad na si Baron, karapatan sa anak ibinigay

MA at PA
ni Rommel Placente

MAY basbas na talaga si Nadia Montenegro kay Baron Geisler para makabawi ito bilang ama ng kanilang anak na si Sophia.

Sa recent interview ng aktres sinabi niya na sa kasalukuyan ay nasa poder ng aktor ang anak mula pa Pebrero. Abala ang mag-ama sa pag-asikaso sa pag-enrol ni Sophia dahil college na  ito.

Mag-iisang taon na mula nang aminin ni Nadia sa publiko na si Baron ang ama ng isa sa mga anak niya.

Halos ayaw pag-usapan ni Nadia ang tungkol dito pero kalaunan ay napatawad na rin si Baron at hindi na ipinagkait ang anak. Pumapayag na rin ito sa co-parenting set up. 

Kaya naman todo rin ang kayod na Baron ngayon dahil bahagi ng pagbawi niya ay ang pagsuporta sa pag-aaral ni Sophia. Mabuti na lamang at hindi nababakante ng trabaho ang aktor. Bukod sa regular siyang napapanood sa seryeng Incognito ay may upcoming movie projects din siya.