Konsensiya at puso gamitin sa pagboto

PUSH NA’YAN
ni Ambet Nabus

ESPESYAL ang araw na ito para sa bansa.

Huhusgahan na natin ang mga kandidatong matagal-tagal din tayong kinumbinsi at niligawan para iboto sila.

Mula sa lokal na mga posisyon sa bawat bayan at probinsiya hanggang sa mga senador, ito na po ang araw na tayo ang dapat na manaig at gamitin natin ng mahusay ang kapangyarihang ipinagkaloob sa atin ng Saligang Batas.

Palasak man ang kasabihang “vote wisely,” ito pa rin naman talaga ang gagamitin nating batayan kasama na ang konsensiya at laman talaga ng ating mga puso para pagkatiwalaan ang mga nagnanais na tayo’y paglingkuran.

Personally, ang listahan ko ng mga senador ay magkakahalong mga kandidato na mayroong napatunayan at nagawa para sa bansa at mga baguhang may bitbit na pag-asa, walang bahid ang integridad at may pangakong liberal at balanse ang pagtingin sa mga isyu.

Sa aming lugar, sinuri ko na rin ang mga kandidato sa Antipolo City batay na rin sa mga noon pa ma’y panuntunan ko na sa paghalal ng mga pagtitiwalaang mga lider.

Good luck po sa ating lahat at samahan po natin ng pagdarasal ang ating gagawing pagboto ngayong araw.