Ogie isiniwalat Cristine-Marco hiwalay na

MA at PA
ni Rommel Placente

SA latest episode ng kanyang vlog na Showbiz Update, ibinahagi ni Ogie Diaz na may isang source na nag-chika sa kanya na break na sina Cristine Reyes at Marco Gumabao.

Sabi ni Ogie, “Well, kinompirma ito sa atin ng isang malapit sa dalawa. Yes, split na sila.”

Ayon sa talent manager, wala raw binanggit ang kanyang source na dahilan, kung bakit naghiwalay na sina Cristine at Marco. Basta kinompirama lang sa kanya na totoong hiwalay na ang dalawa.

“Basta pareho raw nalungkot sa nangyari ang dalawa, na ang relasyon ay umabot din ng dalawang taon. Kaya hintayin natin kung sino sa kanila  ang unang mag-iispluk,” dagdag pa ni Ogie.

Posible raw na kapag natapos na ang eleksiyon ay magsasalita si Marco hinggil sa sitwasyon.

Kasalukuyang tumatakbo ang binata bilang kongresista sa 4th district ng Camarines Sur.

Sinamahan pa ni Cristine noong October 2024 si Marco nang magsumite ng Certificate of Candidacy (COC) sa Commission on Elections (Comelec).

Nanghihinayang kami na nauwi rin sa wala ang relasyon nina Crsitine at Marco.