Miles inaming na-miss ang pag-arte, gagawa ng pambalanse sa Eat Bulaga

PUSH NA’YAN
ni Ambet Nabus

MASAYANG tinanggap ng All Access To Artists management group si Miles Ocampo bilang latest artist nila.

Kahanay na ni Miles sa naturang artist’s management company sina Marian Rivera, Maine Mendoza, at Carla Abellana among other talents nina direk Mike Tuviera, Jojo Oconer, at Ms. Jacqui Cara.

“Masaya po. Hindi ko po talaga sukat akalain na aabot sa ganito dahil sabi nga nina direk Mike, years ago pa nila ako laging binibigyan ng project. Pinaka-malaki na ‘yung ‘Padyak Princess’ sa TV5, kaya paano naman po ako hihindi,” sey ni Miles.

Excited ang aktres na bumalik sa pag-arte though napatunayan na naman ni Miles na isa nga siya sa pinakamahuhusay na dramatic stars sa ngayon. 

“Na-miss ko po talaga. Gusto kong makagawa para pambalanse naman sa mga kakornihan at kakalugan natin sa ‘Eat Bulaga,’” hirit pa nito.

“Ano pa ba ang mahihiling ko ‘pag ganitong mas may direksiyon at magagandang nangyayari sa career at personal life ko kundi ang mag-give back at maging mas masaya,” ganting tugon ni Miles.

Sa usaping ‘love is lovelier the second time around’ nga nila ni Elijah Canlas ay mas open na ang aktres-host sa posibilidad ng ‘kasal’ nila though siyempre kapwa pa sila focused sa respective career nila.