Jodi nagtagumpay sa pananakot sa Untold

MA at PA
ni Rommel Placente

NAPANOOD namin sa ginanap na press preview noong Martes ng gabi ang psychological horror film na Untold, na pinagbibidahan ni Jodi Sta Maria. Mula ito sa direksiyon ni Derick Cabrido. At mula sa  istorya nina Direk Derick, Roselle Y. Monteverde, na producer din ng pelikula, Noreen Capili at Anton Santamaria.

In fairness. nagustuhan namin ang movie. Masasabi namin na isa ito sa mga horror film na nagustuhan namin. Matatakot ka talaga sa maraming eksena at mapapasigaw ka. Hindi ito katulad ng ibang  horror film na napanood namin, na imbes na matakot ka, ay matatawa ka pa. Wala kaming napansin na tumawa sa mga nakatatakot na eksena, maliban lang doon sa ibang eksena na hinaluan ng kaunting comedy.

Sa pelikula ay gumaganap si Jodi bilang si Vivian na isang  journalist. Humanahap siya ng mga sensational stories para sumikat at mapag-usapan. Si Gloria Diaz ang gumaganap na nanay niya.

Kayo na lang ang humusga at magtanong sa inyong sarili kung namatay ba si Jodi sa ending ng Untoldo hindi?

Ang Untold ay ang unang horror film ni Jodi sa Regal Films, at ang ikaapat na pinagbidahang horror film.

And in fariness kay Jodi, ang galing niya sa pelikula, huh! 

Bukod kina Jodi at Gloria, kasama rin sa pelikula sina Juan Karlos Labajo, Kaori Oinuma, Lianne Valentin, Mylene Dizon, Joem Bascon, at Sarah Edwards.

Showing na sa mga sinehan ang Untold simula April 30. Watch ninyo, siguradong magugustuhan ninyo.