Lotlot at Janine magkasunod na dagok dumating sa buhay

PUSH NA’YAN
ni Ambet Nabus

DOBLENG dagok din para sa mag-inang Lotlot de Leon at Janine Gutierrez ang pagkamatay ni Nora Aunor.

Nagluluksa pa sila sa pagyao ni mamita Pilita Corrales nang sumakabilang buhay naman si Nora.

Dalawa nga sa pinagpipitaganang mga reyna sa industriya ang magkasunod na pumanaw at dahil kapwa sila may kaugnayan kina Lotlot at Janine, nalungkot at nag-alala rin ang kanilang mga fan.

Kahit sa video at photo lang namin napanood ang pagtatagpo nina Lotlot at nakagisnang ama na si Boyet de Leon, grabe rin ang pagkalungkot namin. Hindi man sila magkadugo, pero tunay na mag-ama talaga ang turingan nila.

At kung konsolasyon mang matatawag ang pag-anunsyo ni Jericho Rosales during the wake na siya ang boyfriend ni Janine, for sure ay napangiti nila ang kanilang mga fan o hanay ng EchoNine.

Iba talaga ang buhay noh. Talagang laging may kakambal ang bawat bagay. Sa gitna nga ng kalungkutan ay may kasiyahan pa rin.