HATAW! D'yaryo ng Bayan hatawtabloid.com
MA at PA
ni Rommel Placente
HINDI napigilan ni Janno Gibbs ang sarili na pumatol sa bashers nang makatanggap ng pamba-bash dahil sa naging reaksiyon niya sa nangyari sa kanyang kaibigang si Dennis Padilla sa kasal ng anak nitong si Claudia Barretto kay Basti Lorenzo.
Sa post ng kapwa komedyante na si Gene Padilla tungkol sa pambabalewala raw ni Claudia at ng ina nitong si Marjorie Barretto sa kanyang kapatid, nag-post si Janno ng tatlong crying emojis.
Kasunod nito ay binatikos na nga ng mga netizen si Janno.
May nagsabi na, “Enabler yarn!”
‘Yung isa naman ang sabi, “Bwesit manahimik ka!”
Bilang resbak ni Janno sa mga bumatikos sa kanya, ay minura niya ang mga ito.
“Mga put*ngin*nyo. Wala naman ako sinabing sang-ayon ako. Malungkot ang kaibigan ko, nakikisimpatya lang ako. Emoji lang, enabler na?” ang hirit ni Janno.
Dagdag pa niyang paliwanag, “Hindi ko siya pinagtatanggol, mga ulol. Dinadamayan ko lang sa kalungkutan. Mga tanga!”
Sinundan pa niya ito ng “dirty finger” emoji.
