HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MUKHANG hindi pa magre-rest in peace ang isyu tungkol kina Dennis Padilla at Marjorie Barretto.
Matapos kasing magpasabog ng mga kasagutan si Marj sa show ni Mama Ogie Diaz na nagpakawala ng matitinding emosyon si Dennis, may mga samo’tsaring opinyon din ang ilan sa mga nakatrabaho at kaibigan ng dalawa.
Sa isang napanood naming panayam kay Kier Legaspi, sinabi nitong masakit para sa isang ama ang naranasan ni Dennis. Hindi niya ma-imagine kung ano ang magagawa niya if ever mang mangyari ‘yun sa kanya.
“Basta ako, ginagawa ko ang tungkulin ko bilang ama,” sey pa nito. Anak nina Kier at Marjorie si Dani na nakagisnan ding ‘ama’ si Dennis.
Samantala, si Janno Gibbs naman na nagpahayag lang ng simpatiya sa kaibigan ay nakatanggap din ng bashing at tinawag pang ‘enabler’ ng netizen.
May ilan pang kaibigan si Dennis na sumusuporta sa damdamin niya, pero ang netizen ay tila nakuha ni Marjorie dahil negative at tadtad pa rin ng hindi magagandang reaksiyon sa pangyayari ang mga tao laban kay Dennis.
