HATAW! D'yaryo ng Bayan hatawtabloid.com
MA at PA
ni Rommel Placente
NAGPAABOT ng suporta si Claudine Barretto sa singer na si Jojo Mendrez sa hindi magandang pinagdaraanan nito ngayon.
Nakarating kasi sa aktres ang pag-file ni Jojo ng grave threats sa Quezon City Prosecutor’s Office laban kay Mark Herras.
Sa pamamagitan ng isang video, nagpadala ng mensahe si Claudine para sa tinaguriang Revival King.
Ayon kay Claudine, sinubukan niyang tawagan si Jojo, pero hindi niya ito makontak. Nasa Lanao kasi siya, at mahina ang signal doon.
Sabi ni Claudine, “I’ve been trying to call you and reach out to you. Narinig ko ‘yung balita sa Lanao at walang signal doon. I’ve been trying to reach out to you dahil nalaman ko kung anong nangyayari. I just read about it, kapatid.
“Gusto ko lang malaman mo na nakausap ko ang mga kaibigan natin, and alam ko na ang mga nangyari. And that, huwag kang matakot. Nandito lang ako. Ang daming nagmamahal sa’yo.
“Hindi ko sasabihin sa ’yo I told you so, dahil alam kong mabuti ang puso mo. Pero next time, mag-ingat ka sa mga tao na pwede mag-abuse sa ’yo at gusto ko lang malaman mo na kung nasasaktan ka ngayon, nasasaktan din ako.”
“As long as nasa tama ka, kung sino ang kalaban mo, dapat [mapanagutan]. Nandito ang support ko sa’yo, 100 percent.
“Huwag kang pumayag na magpaapi ka, ginagamit ka, or inaabuso ka. Mahal kita kaya andito ako bilang kaibigan, bilang kapatid. Gaya ng sinabi ko, huwag kang matakot. Nandito kami. Walang pwedeng manakit sa ’yo. Tandaan mo ’yan. Mahal na mahal kita,” ang makabagbag damdamin pang mensahe ni Claudine para sa kanyang kaibigan.
Samantala, out na sa streaming platforms ang latest single ni Jojo na Nandito Lang Ako mula sa komposisyon ni Jonathan Manalo.
In fairness, ang sarap pakinggan ng awitin dahil sa ganda ng lyrics at melody nito, at ang ganda ng pagkakakanta ni Jojo. Ramdam na ramdam mo ang kanyang emosyon. At bagay na bagay sa boses niya ang Nandito Lang Ako, sa totoo lang.
