Management ni Jojo Mendrez umamin sinakyan pag-uugnay kina Mark, Rainier

PUSH NA’YAN
ni Ambet Nabus

SA last presscon ng tropa ni Jojo Mendrez kaugnay pa rin ng mga balakin nila para sa promo ng Nandito Lang Ako single ng revival king, hinangaan namin si David Bowie.

Isa si David sa mga nagpapatakbo ng music career ni Jojo at sa pag-amin niyang sinakyan na rin nila ang publicity slant na may Mark Herras at Rainier Castillo, don kami bumilib.

“Nandiyan na iyan. Might as well join the bandwagon and just explain kung nasaan o ano ang posisyon namin. Basta kami, naniniwala na mabait at mabuting tao si Jojo. If ever mang may mga magsasamantala sa kabutihan niya, nandito lang kami to guide him. Our artist has the talent and skill, ‘yun ang aming puhunan dito,” bahagi ng pahayag ni David.

Aabangan natin ang iba pang mga naka-line up na promo activities ni Jojo para sa kanyang single na Nandito Lang Ako under ABS-CBN Music at komposisyon ni Jonathan Manalo.