Ate Vi tinutuligsa ng isang nagpipilit magkaroon ng showbiz connection

PUSH NA’YAN
ni Ambet Nabus

KAPANSIN-PANSIN ang sobrang pagpipilit magkaroon ng showbiz connection itong politikong mula Batangas na kalaban ng ating Star for All Seasons, Vilma Santos-Recto sa pagka-gobernador.

Sa isang video na napanood namin, ang lakas ng loob na tawaging “laos” si Ate Vi kaya raw hindi siya natatakot dito. 

“Kung si Nadine Lustre pa iyan o si Kathryn Bernardo, baka matakot pa ako,” ang sambit ng hindi naman mukhang comedian na politiko.

Hindi na namin idedepensa ang kasikatan ng isang Vilma Santos, dahil very obvious na wala namang alam iyong politikong kumakalaban sa paggamit niya ng salitang ‘laos.’

Kung akala niyang sisikat siya dahil sa binabanatan niya sa ganoong level ang isang Vilma, nagkakamali ka po G. Jay Ilagan. Hindi tama ang manlait ng kapwa, pero susme kuya, may mga nagawa ka ba para maikompara mo ang sarili at ihilera kina Nadine at Kathryn? Baka kahit taga-paypay nila ay hindi ka tanggapin.