Netizens nairita deadmahan ng KathDen

PUSH NA’YAN
ni Ambet Nabus

MAS marami ang nagtatanong kaysa nagpapaka-delulu na mga KathDen supporter  hinggil sa deadmahan isyu ng dalawa sa katatapos lang na Bench Body of Work fashion event.

Nagmistula raw umanong nagpasakay lang sina Kathryn Bernardo at Alden Richards na porke’t kumita na ng bilyones ang movie ay makikita raw ng public na parang walang pinagsamahan? Na kesyo pinasakay lang ang madla sa kanilang mga pralala na close na sila pati families nila, etc, etc..

“Kung mayroon mang silang tampuhan or what, still they owe it to their public na magpansinan man lang dahil mas maraming mga mata ang nakatutok sa kanila. ‘Yung iparamdam sa mga tao na para silang walang pinagsamahan. Kaya huwag silang magdamdam o masaktan kung tawagin man silang mga user o oportunista,” lahad pa ng netizen.

Sa dami nga naman ng mga naglabasang videos showing them na nagdededmahan despite being greeted by each of their friends na nasa stage rin,  is something na hindi nila maitatago. 

At kung gimik man ‘yun or what dahil may pakulo sila, nakaiirita lang at nakasusukang makita. At kahit pa may mga lumalabas ding photos na nagbatian naman sila backstage, still, ‘yung dedmahan nila on stage meant a lot of things.

“The height of hypocrisy,” hirit pa ng very disappointed na madla.