HATAW! D'yaryo ng Bayan hatawtabloid.com
PUSH NA’YAN
ni Ambet Nabus
DESPITE his very busy schedule, talagang nagbibigay ng oras si Coco Martin para samahan si Sen. Lito Lapid sa pag-iikot nito.
Sa proclamation event ng FPJ Panday Bayanihan partylist sa Batangas, personal na nakiusap si Coco na iboto si Sen. Lapid, Supremo kung kanyang tawagin, dahil sa karakter nito sa Batang Quiapo.
“Gusto ko rin po sanang hilingin sa inyo ang isa sa aking inirerespeto, mahal na kaibigan at itinuturing ko ring ama, hindi ako mapapalapit sa taong ito kung hindi ko nakita sa kanya ang kabutihan, kababaang loob, pagkilos at pagiging tapat,” bahagi ng pakiusap ni Coco sa mga taga-Batangas.
Sey pa ni Coco na kung may oras din lang talaga siya at keri ng iskedyul niya, hindi magdadalawang isip ang tropa ni Sen. Lapid na isama siya sa pangangampanya gaya nga ng naganap sa Batangas, kaugnay ng FPJ Panday Bayanihan partylist.
Pinangungunahan ng anak ni Senadora Grace Poe-Llamanzares na si Bryan Poe-Llamanzares ang partylist.
Nagbigay din ng special na message si Lito sa pag-endoso naman ng FPJ partylist.
Aniya, walang Lapid sa showbiz, kung walang FPJ.
Hindi raw niya kailanman malilimutan ang malaking naitulong ni FPJ sa kanilang pamilya dahil ang kanyang amang si Jose Lapid ay naging stuntman noon ni FPJ. Sa kandungan ni FPJ namatay ang tatay ni Sen. Lito. At nang pasukin na rin ng senador ang showbiz, si FPJ ang sumuporta rito kahit na noong ilunsad siya sa The Jess Lapid Sr. Story (uncle niya na sumikat din at tatay ni Jess Lapid Jr.).
Nagkasama sa pelikulang Kalibre 45 noong 1980 sina FPJ at Lito, kasama ang namayapang si Eddie Garcia, na ginawan nito ng batas para sa mga taga-showbiz, ang Eddie Garcia Law.
