Rayver ‘di apektado fans ni Julie Anne na ‘di boto sa kanya

MA at PA
ni Rommel Placente

HININGAN namin ng reaksiyon si Rayver Cruz tungkol sa isyung hindi boto sa kanya ang ilang mga tagahanga ni Julie Anne San Jose para maging boyfriend ng singer-actress.

Ayon naman sa Kapuso actor, hindi siya apektado tungkol dito at tanggap niya na hindi niya talaga mapi-please ang lahat. 

Dagdag pa ni Rayver ay dapat na respetuhin na lang ang opinyon ng iba at ang mahalaga ay 100% ang pagmamahal niya sa kasintahan gayundin ito sa kanya, bukod pa sa tanggap sila ng pamilya ng bawat isa.

Nang tanungin namin kung may balak na bang i-level-up ang relasyon nila ni Julie Anne at mag-propose na rin sa kasintahan, aniya mahirap pang sagutin ito dahil kung mayroon mang tao na dapat unang makaalam ukol dito ay ang kasintahan mismo ‘yun. 

Nakausap namin si Rayver sa mediacon ng pelikulang Sinagtala, na isa siya sa mga bida kasama sina Rhian Ramos, Glaiza de Castro, Arci Muñoz, at Matt Lozano, na gumaganap sila rito bilang mga miyembro ng isang banda.

Mula sa direksiyon ni Mike Sandejas, ang Sinagtala ay showing na Abril 2.