HATAW! D'yaryo ng Bayan hatawtabloid.com
MA at PA
ni Rommel Placente
HINDI pa rin tapos ang mga isyu kay Moira dela Torre. Sa naging guesting kasi ni Sam Milby sa programang ASAP ay kita ang mga moment nila ni Regine Velasquez, na nagtsitsikahan. Habang abala sa pag-i-spiel ang co-host na si Robi Domingo.
Hulicam na nagbiro si Regine at sinabi kay Sam na, “were not friends anymore.” Ito kasi ang eksaktong linya rin nang matanong ang aktor sa isang interview niya kung kumusta na sila ni Moira?
Tila hindi rin lang si Sam ang may isyu kay Moira. Nauna na nga raw in-unfollow nina Yeng Constantino, Eric Santos, TJ Monterde at iba pang kasama sa dating management sa Cornerstonesi Moira.
Pero ang tsika, kahit daw si Regine ay may hindi magandang karanasan kay Moira.
May ilang kaibigan daw ang nagparating sa songbird na sabi raw nito ay tili raw nang tili ito kung kumanta. Totoo kaya ito? Inakala pa naman ng iba na may nabuong friendship sa dalawa dahil pareho silang naging hurado sa Idol Philippines.
Naku kung true, nakakaloka naman talaga, sey ng ilang netizens.
Mapapansin din na sa selebrasyon ng 30 years ng ASAP Natin Ito na naging parte rin naman si Moira, ay hindi pa ito nag-guest gayong nagkakaroon ng homecoming performances ang mga dating performers ng musical variety show.
May tsika kasing hindi raw sasama ang ilan sa mga ito kung naroon ang singer. Naku, how true?
