Seth at Morisette wagi sa MIFF

PUSH NA’YAN
ni Ambet Nabus

BUKOD tanging si Seth Fedelin (for My Future You) lang ang nanggaling sa 2024 MMFF na nanalo ng acting award (as Best Actor) sa 2nd Manila International Film Festival. 

Ang mga major awardee kasi sa acting categories ay napanalunan ng non-MMFF etries.

Sina Morisette Amon, Rachel Alejandro, at Noel Comia Jr., ang mga nanalong Best Actress, Supporting Actress, at Supporting Actor respectively for Song of the Fireflies na itinanghal ding Best Picture.

Si Crisanto Aquino ng My Future You ang nanalong Best Director, at may special award ang Hello, Love Again na binigyan ng Box-Office Hit award.

Huwag na nating itanong kung ano ang nangyari sa ibang MMFF entries dahil mukhang hindi rin daw naging maganda ang box-office performance ng mga ito sa ating mga kababayan from the USA.

Ay basta kami ay natuwa sa organizers ng festival dahil sa pagbibigay nila ng Lifetime Achievement Award kina Star For All Seasons Vilma Santos, Boots Anson Rodrigo, Ricky Lee, at Mother Lily Monteverde.