Vice Ganda ibinuking ni Kim, nagka-dengue

MA at PA
ni Rommel Placente

HINDI aware ang publiko na nagka-dengue si Vice Ganda, kung hindi pa ibinisto ni Kim Chiu.

Sa noontime show nilang It’s Showtime, rito sinabi ni Kimna nagka-dengue ang Unkabogable Star.

Tawa lang nang tawa si Vice sa pambubuking sa kanya ni Kim dahil secret lang dapat ang pagkakasakit niya dahil wala naman siyang balak ipaalam ito sa publiko.

Pero hindi pa rin nagpapigil si Kim at itinuloy pa rin ang pagkukuwento. 

Sey ng aktres, talagang nag-report pa rin si Vice sa It’s Showtime kahit na hindi na maganda ang pakiramdam.

Sabi pa niya sa kaibigang komedyante, mabuti na raw  ay okey na ito ngayon.

Natatawa namang sabi ni Vice, “At  talagang in-out mo na nagka-dengue ako!” 

Hirit naman ng co-host nila sa programa na si Darren Espanto, dapat hanggang GC o group chat lang  ang tungkol sa naging karamdaman ni Meme Vice.

Sa huli, nagbigay naman si Vice ng advice sa madlang pipol na mag-ingat at palaging ingatan ang kalusugan at siguruhing palaging hydrated para makaiwas sa anumang uri ng sakit.

At least, si Vice kahit may dengue, pumasok pa rin sa It’s Showtime.