Davao region sinuyod ni Lapid

NAGPAHAYAG ng buong suporta kay Senador Lito Lapid sa kanyang reelection bid ang mga lokal na opisyal ng Davao Oriental.

Sa isang pulong sa Mati City nitong 16 Pebrero, sinabi nina Davao Oriental congressman Nelson Dayanghirang at ng kanyang anak na si Vice Gov. Nelson Dayanghirang, Jr., na todo ang suporta sila kay Sen. Lapid para marami pa siyang matulungang  mahihirap at makapagbigay ng mga proyekto sa kanilang lalawigan.

Todo suporta rin kay Lapid ang iba pang local officials ng Davao Oriental sa pangunguna ni LMP chapter President Mayor Ronie Osnan.

Bilang dating Vice Chairman ng Senate Committee on Local Government, si Lapid ang isa sa mga nagsulong upang maging siyudad ang Mati.

Matapos ang pulong, bumisita si Lapid ang Mati City.

Sinuyod ni Lapid ang palengke sa Tagum City, Davao del Norte.

Nagpapasalamat si Lapid sa mainit na pagsalubong sa kanya ng mga residente sa Mati City, Davao Oriental at Tagum City, Davao del Norte.  (NIÑO ACLAN)