Boobay at Karen totoo ang bardagulang naganap sa isang show

MA at PA
ni Rommel Placente

SA guesting din ng komedyanteng si Boobay sa Fast Talk With Boy Abunda, inamin niya na hindi scripted ang bardagulan at talakan nila ng dating aktres na si Karen delos Reyes nang mag-guest ito sa isang episode noon ng Kapuso reality show na Extra Challenge, na sila ni Marian Rivera ang hosts.

“Yes po Tito Boy, na hindi ko rin ini-expect (ang away nila ni Karen),” ang pag-amin ni Boobay nang tanungin tungkol sa awayan nila ni Karen.

Sinadya raw talaga niyang maliin ang pagtawag sa apelyido ni Karen na ginawa niyang “delos Santos” sa halip na “delos Reyes.”

Nais lamang naman daw niyang biruin si Karen noon, na sumikat sa isang fast food commercial na tinatawag ang aktres ng kanyang lolo na “Gina” sa halip na “Karen.”

“Ako tinray ko naman na i-feed siya sa apelyido naman, ang in-expect ko na sasabihin niya, ‘delos Reyes po’ (mahinahon ang pagkabigkas),” paliwanag ni Boobay.

Pero hindi nga ganoon ang nangyari, sa halip napikon sa kanya si Karen at galit na isinigaw ang apelyido niyang “delos Reyes” bilang pagkokorek kay Boobay. Nauwi nga sa away ang eksena na talagang ipinakita sa naturang episode ng Extra Challenge.

Nang akmang magpipisikalan na ang dalawa ay umawat na mismo si Marian pati na ang ilang staff ng programa.

“Sabi ko ‘Ay hindi ako papayag. Lalaban ako,’” sabi pa ni Boobay.