HATAW! D'yaryo ng Bayan hatawtabloid.com
PUSH NA’YAN
ni Ambet Nabus
PERFECT 10 ang grado o marka na ibinigay nina Michael Sager at Jillian Ward sa kanilang friendship ngayon.
Marami na ring mga fan ang mukhang isinusulong ang tandem nila bilang MicJill para sa top rating show nilang My Ilongga Girl sa GMA 7.
“Bagay na bagay sila. Grabe ang kilig namin kapag pinapanood namin sila. Sana sila na nga,” sigaw ng kanilang fans na hindi naniniwalang walang nararamdaman ang dalawa aside from being co-workers.
Marami rin ang sumasagot sa isyung never naman daw inamin kahit kailanman ni Michael na GF na niya si Cassy Legaspi.
“Uy, malinaw sa interview ni Michael na sinabi niyang very dear and good friend lang sila ni Cassy. Kaya may pag-asang maging sila ni Jillian,” komento pa ng ilan.
Well, as usual, ganyan naman talaga lagi kapag may mga show ang ini-li-link na mga artista. Pero sasang-ayon kami na kakaiba at grabe naman talagang nakakikilig ang tandem ng MicJill. Swak na swak ang kanilang mga hagikgikan at pagtawang nawawala na ang mga mata dahil feel na feel nilang masaya sila.
Pramis, kilig na kilig din kami!
