Barbie Hsu bahagi na ng Pinoy culture

PUSH NA’YAN
ni Ambet Nabus

MARAMI pa rin ang nagbibigay ng kanya-kanyang ‘pasasalamat’ sa yumaong si Barbie Hsu na naging bahagi na nga ng pop culture ng Pinoy noong early 2000’s dahil sa Meteor Garden series at iba pa nitong projects.

Ibang klase rin talagang magmahal ang Pinoy fans ng entertainment and arts. Hindi man Pinoy si Barbie o iba pang artists nakapag-paantig naman ng damdamin ng mga Pinoy. Basta talaga magustuhan natin, tila ginagawa natin silang kapamilya, kapuso o kapatid.

At 48, tunay namang bata pang maituturing ang Taiwanese actress. Na-cremate na ito at sa mga lumabas na videos tungkol sa cremation niya, talaga namang nakalulungkot ang mga eksena lalo’t halos maliliit pa ang anak niya.

Bigla ngang pinag-usapan ng fans at tinangkilik sa Netflix ang Connected movie na ginawa niya in 2008 na na-nominate pa siya as best ctress sa isang Hongkong award-giving body.

Yes mare at mga ka-Hataw, inulit nga rin naming panoorin at tunay namang nakakalokah ang husay at ganda niya.

Muli, paalam Barbie, ang ating forever Shan Cai at Salamat!