HATAW! D'yaryo ng Bayan hatawtabloid.com
PUSH NA’YAN
ni Ambet Nabus
GUSTO muna naming magpasalamat sa mga bumubuo ng Star Awards for TV ng PMPC o Philippine Movie Press Club, dahil sa bonggang nominations na ibinigay nila sa Marites University episodes namin sa All TV.
Nominado ang Marites University bilang Best Showbiz Oriented Talk Show habang kaming mga host mula sa inyong lingkod Ambet Nabus, at mga kasamahang Jun Nardo, Rose Garcia, at Mr. Fu ay nominado naman bilang Best Showbiz Oriented Talk Show Host.
Sa March 23 gaganapin ang kanilang pagpaparangal sa mga programa at performances sa TV na nagmarka sa nakalipas na 2024.
Top honorees ngayong taon sina Janice de Belen, Julius Babao, at I-Witness.
Pararangalan ng mga natatanging lifetime awards (Janice at Julius) at pagluklok sa hall of fame (I-Witness).
Sa pamumuno ng bagong halal na pangulo ng PMPC na si Mell Navarro at Over-all Chairman Rodel Fernando, sampu ng kanilang mga opisyal at miyembro, inaasahang muli na namang magtatagumpay ang pagbibigay parangal sa mga natatanging palabas sa TV, mga naglalakihang artista, at produksiyon.
Salamat po.
