BB Gandanghari nalulungkot sa tuwing tatanungin ni Mommy Eva ng ‘Sino Ka?’

MA at PA
ni Rommel Placente

NASA ‘Pinas ngayon si BB Gandanghari. 

Sa panayam sa kanya sa Fast Talk with Boy Abunda, sinabi niya na  talagang bumalik siya sa bansa  last September mula sa Amerika para sa kanyang ina pati na rin sa selebrasyon ng kanyang kaarawan.

“Nandito ako last September because noon, si Mama kasi nag-deteriorate. So, hindi na siya masyadong nagsasalita. So, sabi ko, ‘Teka, uuwi ako.’

“Si Robin (Padilla, nakababatang kapatid ni BB) naman sabi niya, ‘Sige, umuwi ka rito, rito ka na lang mag-birthday,” sabi ni BB.

Hindi agad sumagot si BB kay Robin dahil nag-aaral na nga siya sa isang film school sa Los Angeles at sobrang hectic ng kanyang schedule. 

Pero talagang pinakiusapan siya ni Binoe na umuwi muna sa Pilipinas.

“Sinorpresa ko siya (Eva Cariño). Kaya talagang hindi rin niya alam. Tapos sabi ko pa sa mga caregiver niya, ‘Mayroon akong darating na package ha, abangan ninyo.’ Hindi nila alam ako ‘yung darating.’ Kaya sinasabi nila kay Mommy, ‘Mayroon daw darating na package from BB,’” aniya pa.

Inalala naman ni Kuya Boy ang kuwento na isang araw bago umuwi si BB sa bansa, ay nakatingin lamang si Mommy Eva sa bintana na parang may hinihintay.

“It wasn’t even a surprise to me anymore. Kasi every time I would talk to her on the phone, she would ask ‘yung caregivers niya ‘Sino siya?’

“And it would break my heart. I would tell my friends sa Amerika na, I think it’s the most painful na ‘yung kapag sinabi ng mama mo na, ‘Sino ka?’” nalulungkot na pahayag pa ni BB.