Kontrobersiya sa MMFF 

PUSH NA’YAN
ni Ambet Nabus

KAYA naman ‘yung mga traydor na hanggang ngayon ay naglilinis-linisan sa mga kampo nila, huwag kayong mag-alala.

Minarkahan na rin namin ang inyong mga pagkatao. Huwag na ninyong hintayin na maging matamis ang lasa ng tubig-dagat dahil hindi na darating ‘yun, pumuti man ang uwak at umitim man ang tagak.

“Let them be. Ipasa-Diyos na lang natin ang mga iyan,” ang tila baga naririnig naming tugon ni Vilma Santos kung tatanungin namin ito tungkol sa eskandalo at kontrobersiya na naganap sa nakaraang 50th MMFF awards night.

May mga nakausap din kaming highly-placed sources na nagsasabing may ‘sabotahe’ ngang nangyari pero ano pa nga ba ang bago sa isang pestibal na ipinanganak na kakambal na ang mga kagayang eskandalo since it’s inception in the 70’s.

At the end of the day naman, labanan ng konsensiya over intellect at laman ng puso. Pero ang dapat nilang pangambahan ay kung ano ang magiging judgment sa kanila ng kasaysayan.

Take this as an example, kahit nga ‘yung panahon nina Andres Bonifacio at Emilio Aguinaldo ay napag-uusapan pa rin at nagbibigay pa rin ng confusions sa marami, iyang MMFF pa kaya?

Ay naku, lalayo pa ba tayo this 2025 lang, sumambulat ‘yung Pepsi Paloma story na over 40 years na rin and yet, nakabibigla ang simpleng teaser na damaging sa mga umano’y naging sangkot niyon.

Hala kuya Ed de Leon, nawang sa pananahimik mo riyan sa kabilang buhay ay matuto ang mga nag-traydor sa ating ate Vi na managinip ng gising hahaha!