Vic kinarir pagda-drama, nakipagsagupa kina Piolo, Sue, Sid, at Cristine

MA at PA
ni Rommel Placente

NAIMBITAHAN kami sa advance screening ng pelikulang The Kingdom na pinagbibidahan nina Vic Sotto at Piolo Pascual. Handog ito ng M-Zet, APT Entertainment, at  MQuest  Ventures. Pagbabalik ito ni Bossing sa Metro Manila Film Festival na magdiriwang ng 50 years ngayong Kapaskuhan. 

I’m sure maninibago ang mga manonood sa kakaibang Vic na kanilang mapapanood sa pelikula. Kung dati kasi, napapatawa tayo ni bossing Vic sa kanyang karakter bilang si Enteng Kabisote, sa bago niyang pelikula ay papaiyakin naman niya tayo.

Maninibago ka sa kanyang karakter bilang hari na maraming tatooo sa katawan. 

Hindi kami magkukuwento masyado dahil ayaw naming maging spoiler.

Kahanga-hanga na tila kinarir niya ang pagiging dramatic actor sa pelikula at hindi rin siya nagpatalo sa mabibigat na eksena kasama  ang ibang cast na sina Cristine Reyes, Sue Ramirez, at Sid Lucero. 

Ang malaking tanong ngayon, ay kung matatanggap ba ng mga faney ang kakaibang Vic na makikita nila?

Inaabangan din kung magna-number one ang kanilang pelikula sa takilya.

Ang The Kingdom ay idinirehe ni Michael Tuviera. Panoorin ninyo siguradong magugustuhan ang pelikulang may aral na mapupulot.