FranSeth movie mahigpit na lalaban sa Gabi ng Parangal

PUSH NA’YAN
ni Ambet Nabus

PINAG-UUSAPAN ang ganda ng pagkakagawa ng My Future You na entry ng Regal Films sa Metro Manila Film Festival (MMFF) na bida sina Seth Fedelin at Francine Diaz.

In fact, tinawag silang ‘The new loveteam to watch and beat’ dahil sa napakaganda nilang team up at very natural flare to dramedy.

Napakahusay ding nai-execute ni direk Crisanto Aquino ang kakaibang tema ng love story ng dalawang teens na nasa magkaibang panahon.

Isa nga ito sa sinasabing magiging mahigpit na lalaban come awards night ng MMFF dahil sa linis, simple, maayos, at nakaaaliw na story telling ng movie.

Hindi nga raw nagkamali ang Regal Entertainment na sugalan ang FranSeth para sa My Future You.

At lalong hindi nagkamali ang yumaong Mother Lily Monteverde sa pagsabi niyang nararapat na mabigyan ng solo project ang dalawang young stars. 

Kasama ng FranSeth sa movie sina Almira Muhlach, Christian Vasquez, Peewee O’Hara, Bodjie Pascua, Mosang and Izzy Canillo.

Kapansin-pansing walang major actor sa movie and yet, pinag-uusapan ang ganda at husay nito.