Kate Yalung may lalim ang emosyon

PUSH NA’YAN
ni Ambet Nabus

KUNG mayroon mang movie premiere event na nangangabog din, pasok na pasok ang Idol: The April Boy Regino Story.

Hindi man ganoon kalalaking stars ang mga nasa movie, with new leads John Arcenas and Kate Yalung taking the top billing, very interesting ang story.

May mata si direk Efren Reyes sa mga anggulo at shots. Maayos din naman ang kanyang storytelling technique at maaantig ka talaga sa mga eksena habang kinikilig din sa love story nina April Boy at asawa niya.

Honestly, nahiya lang kaming umiyak during the movie screening sa ballroom ng Great Eastern Hotel hahaha. Pero kung sa sinehan siguro namin ‘yun napanood, naku, tiyak na tumulo na luha namin.

Given na rin na nag-deliver ng husay ang mga beteranong artista gaya nina Tanya Gomez, Dindo Arroyo, Irene Celebre, Rey PJ Abellana at iba pang may cameo appearances mula kay Imelda Papinhanggang kina Hero Bautista at Archie Adamos.

Sakto si John bilang si April Boy. Maganda ang timbre ng boses at talagang nailalapit nito ang kanyang pagkanta sa namayapang iconic singer ng mga hit song gaya ng Di Ko Kayang Tanggapin, Sana’y Laging Makapiling, Kahapong Nagdaan, Bulong ng Damdamin, among others.

Mahusay si Kate bilang si Madel na asawa ni April Boy. May lalim ang emosyon at matalinong artista kumbaga. Sana magkaroon pa siya ng maraming projects dahil nakikita naming sa pag-arte talaga siya bagay though magaling din siyang fashion designer.

Showing na ngayong Nov. 27 sa mga sinehan nationwide ang IDOL, the April Boy Regino Story. Tara, magkantahan at maaliw tayo!