Bagong serye ni Enrique sa Europe kukunan

MA at PA
ni Rommel Placente

MAGIGING masaya ang mga faney ni Enrique Gil dahil sa wakas ay may aabangan silang teleserye sa aktor. May tsika kasi noon na nadesmaya raw ito sa  naging resulta ng kanyang comeback movie last February, ang I Am Not A Big Bird. 

Hindi ito masyadong tinangkilik sa takilya kaya naman may mga naisulat na nalungkot daw ito, dahilan kung bakit tumanggi siya na gawin ang seryeng pagsasamahan sana nila ni Daniel Padilla, ang  Incognito. 

Kaya naman good news dahil kinompirma ng aktor na tuloy na ang teleseryeng gagawin niya sa Kapamilya  Network sa susunod na taon. At hindi lamang siya ang bida kundi isa sa mga producer. 

Sey niya sa isang interview, “I think it’s also nice to create a little bit more. I think more of being an artist. I think it is also exciting on my end. I think it’s just growing up lang.”

Pagdedetalye pa niya na sa Europe raw kukunan ang pilot episode. Sinabi rin niyang romantic comedy ang naturang serye na may kaunting action. 

Hindi pa naman niya iniri-reveal ang cast at kung sino ang leading lady niya. 

Samantala, bago ang teleserye mapapanood muna si Enrique sa pelikulang  Strange Frequencies: Taiwan Killer Hospital na kalahok sa Metro Manila Film Festival na co-producer din ang aktor na sina Erik Matti at Dondon Monteverde.