HATAW! D'yaryo ng Bayan hatawtabloid.com
MA at PA
ni Rommel Placente
PAGKATAPOS ng dalawang taong hindi gumagawa ng pelikula, muling mapapanod sa wide screen si Zanjoe Marudo. May gagawin siyang pelikula na produced ng OgieD Productions Inc, How to Get Away from my Toxic Family,na isinulat ni John Bedia at mula sa istorya ni Ogie Diaz.
Sabi ni Ogie, nanghingi ng workshop si Z para i-refresh ang pag-arte.
Naka-relate si Zanjoe sa kuwento dahil bilang middle child, ganito rin siya sa bahay nila.
Ang iba pang cast ng nasabing pelikula ay sina Susan Africa, Lesley Lina, Juharra Asayo, Richard Quan, Nonie Buencamino, Kim Rodriguez at iba pa, mula sa direksiyon ni Lawrence Fajardo.
Nagsimulang mag-shooting ang grupo kahapon, November 11, at ipalalabas sa January 22 next year exclusive sa SM Cinema Malls.
Samantala. nilinaw ni Zanjoe na hindi nila itinatago sa publiko ang panganay nila ng asawang si Ria Atayde. Masyado pa raw kasi itong bata para ibandera sa social media.
Marami kasing netizens ang nagsabing itinatago nina Zanjoe at Ria ang baby nila dahil hindi nila ito ipinakikita sa publiko. At may iilan pang nagtatanong kung hindi raw ba sila proud sa anak nila.
Sabi ni Zanjoe, “Hindi ko naisip ang name reveal o face reveal. ‘Pag may nagtanong at gustong makita, ipinakikita ko, at sinasabi ko ang pangalan. Pero hindi para iharap o post ko sa online.
“Wala pa siyang two months, masyado pang bata kaya. Hindi ko makita ‘yung point kung bakit ko siya kailangang i-post sa online.”
