Angelica excited simulan low impact workout matapos maoperahan 

MA at PA
ni Rommel Placente

IBINAHAGI ni Angelica Panganiban sa kanyang YouTube vlog,  ang kanyang health journey na nagpapagaling na siya matapos sumailalim sa hip replacement surgery, ilang araw na ang nakararaan.

Sabi ni Angelica, “Swiftly naman akong nakaka-recover. Fourth day after the surgery nakalakad na ako without the walker.

“Medyo mayabang ‘yun kasi hindi lahat nagagawa ‘yun and siyempre iba-iba naman tayo ng pag-recover, kanya-kanyang katawan ‘yan, kanya-kanyang midset ‘yan,” pagbabahagi ni Angge.

“Siguro talagang ako ay palaban and kating-kati na talaga akong makalakad ng normal. Yes, nakakapag-mall na kaming pamilya, nakakapasyal na.”

Kung minsan daw ay nakararamdam pa rin siya ng sakit sa kanang bahagi ng balakang na hindi pa naooperahan.

“Although still, talagang iniinda ko pa rin ‘yung right side ng hips ko. At least hindi na parehas, hindi na parang bibigay ‘yung buong lower body ko dahil sa sakit na nararamdaman ko.

“Manageable ‘yung pain, pero siyempre hindi pa rin 100 porsiyento ‘yung naramdaman kong ginhawa so, I am hoping na sa therapy na ginagawa ko ay makatulong ‘yun sa aking naiwang right hip,” sey pa ng aktres.

Sisimulan agad ni Angge ang tinatawag na low impact workout kapag may clearance na mula sa kanyang doctor.

“Medyo excited ako roon kasi mai-strengthen talaga ‘yung katawan ko and noong ginagawa ko siya, nakatutulong siya na mabawasan ‘yung pain.

“Kasi nalilipat talaga niya ‘yung strength ng lower body ko sa mga muscle. Lumalakas kahit paano ‘yung muscles ko sa legs,” esplika pa ng aktres.