Richard at Barbie spotted na magkasama sa Italy

MA at PA
ni Rommel Placente

NAKITA na magkasama sa Rome, Italy ang rumored sweethearts na sina Richard Gutierrez at Barbie Imperial.

That time, nasa Italy si Richard para sa taping ng upcoming series nila nina Daniel Padilla at Ian Vereracion na  Incognito, mula sa ABS-CBN.

Sa isang post sa Facebook, ibinahagi ng isang Filipino restaurant sa Rome na naging customer nila sina Richard at Barbie para sa isang tanghalian.

Pinaunlakan ng dalawa ang mga staff ng restaurant na nais magpakuha ng picture sa kanila.

Caption ng post ng Manila Restaurant, “Thank you Mr Richard Gutierrez and Ms Barbie Imperial for your visit and a quick lunch here in Manila Restaurant.”

Komento naman ng isang netizen, “’Yung nilolow-key niyo lang tapos ipinost kayo niyong kinainan niyong restaurant.”

Bakit nga kaya nasa Italy din si Barbie to think na hindi naman siya kasama sa naturang serye? Isinama nga lang kaya siya roon ni Richard or baka naman may special participation ang dalaga sa Incognito?

Hanggang ngayon ay hindi pa inaamin nina Richard at Barbie ang totoong estado ng kanilang relasyon.

Pero kumbinsido ang marami na may something na sa dalawa.

Noong birthday din kasi ni Barbie, August 1, 2024, ay dumalo roon si Richard na kasama pa ang ina nitong si Annabelle Rama. 

Bago ito, namataan din si Barbie sa lamay ng sister-in-law ni Richard na si Alexa Gutierrez, na asawa ng nakatatandang kapatid ng aktor na si Elvis.