HATAW! D'yaryo ng Bayan hatawtabloid.com
HUWAG magulat.
Ipinatupadna ang bagong parking rates sa Ninoy Aquino International Airport (NAIA).
Ito ay base sa kautusan na inilabas ng New NAIA Infra Corp., na pirmado ng general manager na si Angelito Alvarez.
Batay sa naturang kautusan, ang parking para sa sasakyan ay P50 sa unang dalawang oras habang ang mga susunod na oras ay P25 at sa overnight parking naman ay nagkakahalaga ng P1,200.
Samantala, sa motor naman para sa unang dalawang oras ay P20, habang ang mga susunod na oras ay P10 at sa overnight parking naman ay nagkakahalaga ng P480.
Sa bus ay P100 ang unang dalawang oras habang ang mga susunod na oras ay P50 pesos at sa overnight parking naman ay nagkakahalaga ng P2,400.
Paliwang ng NNIC, ang naturang halaga ay kailangan para maging maayos ang maintenance at improvement ng mga pasilidad nito. (NIÑO ACLAN)
