Stell at Pablo nagbabardagulan, pinag-uunahan ng mga bagets

PUSH NA’YAN
ni Ambet Nabus

NAKAKALOKA naman ang bardagulan nina Stell at Pablo ng SB19 bilang dalawa sa mga coach ng The Voice Kids Philippines sa GMA 7.

Kwela at marami ang naaaliw everytime na nagpaparunggitan sila ng kanilang mga ‘kakayahang manghikayat’ ng iniikutan nilang contestant o hopeful.

Obvious na sikat na sikat na si Stell sa mga bagets na kahit nga hindi siya umiikot ay pinipili pa rin siya.

Equally competent naman si Pablo na talagang sinasabayan ang ka-eklayan ni Stell.

Tanggap naman ni Billy Crawford na parang saling-pusa siya sa mga coach dahil bihira nga siyang piliin ng mga bata kahit nauuna pa siya at halos makiusap na sa mga ito. Si Julie Anne San Jose naman ay kampante sa kanyang upuan dahil tanggap na rin nitong sa kanilang apat, laging nangunguna si Stell sa mga bata.

Si papa Dingdong Dantes ang host  ng The Voice Kids Phils. at nabigyan nga niya ng ibang kulay ang hosting kung ikukompara sa estilo noon ng mga Kapamilya host na humawak dito.