Ai Ai susuportahan live selling ni Angelica

MA at PA
ni Rommel Placente

MATAPOS mag-post ng mensahe si Ai Ai delas Alas sa social media tungkol sa pinagdaraanan ng ina ni Carlos Yulo na si Angelica nitong nagdaang linggo, may pampa-good vibes message na naman ang komedyana sa kapwa niya ina.

Nakarating kasi sa komedyana ang pagsabak ng nanay ni Carlos sa online selling kaya naman agad siyang nagsabi na aabangan niya ang muling pagla-live nito sa Facebook.

Nangako si Ai Ai na suportado niya si Angelica sa mga ginagawa nitong diskarte para makatulong sa pangangailangan ng kanilang pamilya lalo pa’t tila wala pang planong makipagkita si Carlos sa kanila matapos kumita ng mikyon-milyon sa 2024 Paris Olympics.

Ang nakasaad sa Facebook post ni Ai Ai, “Nakita ko sila may nag send saken sa messenger. Kelan kaya ulit live selling nila? Bibili ako…support ko live selling nila.”

Ginamit pa ng komedyana ang mga hashtag  #madamingmadami, #letsgomudrakels at #labansabuhay.

Nauna nga rito, nagpahayag din ng suporta si Ai Ai kay Angelica hinggil naman sa alitan nila ng anak na si Caloy pati na rin sa girlfriend nitong si Chloe San Jose.

Naniniwala pa rin siya sa kasabihang, “mother knows best” pagdating sa pag-aalaga at pagpapalaki sa mga anak.

“Siyempre umiibig ang ating olympian … pero may kasabihan nga pag-ibig ‘pag pumasok kanino man hahamakin lahat masunod ka lamang…pero mas naniniwala ako sa kasabihan (pagdating ito sa pagibig ahhh) Mother knows Best.

“At sinasbi ko rin ‘yan sa mga anak ko pagdating sa pag-ibig kasi na-experienced ko na hindi sumunod sa nanay ko pagdating sa usaping lovelife.

“Ayun flop lahat pero si Gerald nagustuhan nya o tama na naman si mother. ‘Yun lang bye,” aniya pa.