Showing ng KimPau movie ‘di na tuloy sa Oktubre

MA at PA
ni Rommel Placente

NAIBALITA namin sa online show naming Marisol Academy Tonite nina Mildred Bacud, Roldan Castro, at Rodel Fernando na sa October na ang showing ng launching movie nina Paulo Avelino at Kim Chiu mula sa Star Cinema na My Love Will Make You Disappear. 

Pero hindi na pala ito matutuloy.

Nag-chat kasi kami kay Edith Farinas, ang handler ni Kim sa Star Magic. Tinanong namin siya kung tuloy na tuloy na sa October ang showing  ng nasabing pelikula. Aniya, hindi tuloy. 

Hindi pa raw binabanggit sa kanya ng taga-Star Cinema kung kailan ipalalabas ang MLWMYD.

Excited pa naman ang KimPau fans na maipalabas na ang pelikula sa October. Gusto na talaga nila itong mapanoond. ‘Yun pala ay naudlot ang showing. Sana ay gawin na lang pang-Valentine’s offering ng Star Cinema ang MLWMYD.

Pero naniniwala kami na kahit kailan pa i-showing ang pelikula, magiging blockbuster ito. Sikat na sikat kasi ang KimPau ngayon. Marami silang mga tagahanga, na talagang lulusob sa mga sinehan once naipalabas na ang kanilang pelikula.

At ang daming grupo ng mga tagahanga nila ang nagpaplanong magpa-block screening tulad ng KimPau Team Abroad Official at KimPau Universe.