HATAW! D'yaryo ng Bayan hatawtabloid.com
UMABOT sa higit 170 toneladang mga basura ang nakolekta ng mga tauhan ng MMDA sa pangunguna ng Metro Parkways Clearing Group na iniwan ng habagat at bagyong Carina.
Ayon sa MMDA katuwang ng ahensiya ang TUPAD program beneficiaries na ibinigay ng Department of Labor and Employment (DOLE) upang alisin ang mga tambak na basura sa Metro Manila.
Patuloy ang paghahakot ng MMDA ng mga basurang natanggal mula sa mga lansangang barado ang mga daluyan ng tubig sanhi ng malawakang pagbaha dala ng nagdaang bagyong Carina at Habagat.
Panawagan ng MMDA sa publiko maging responsable sa pagtatapon ng basura upang hindi na maulit ang nangyaring mga pagbaha dulot ng basurang bumabara sa mga daluyan ng tubig. (NIÑO ACLAN)
