Gladys Reyes nakakuha ng 2 nominasyon sa 40th Star Awards for Movies

MA at PA
ni Rommel Placente

TATLONG nominasyon ang nakuha ni Gladys Reyes sa 40TH PMPC Star Awards For Movies, na gaganapin sa July 21 sa Henry Lee Irwin Theater sa Ateneo de Manila.

Nominado siya for Movie Actress of the Year para sa pelikulang Apag, na pinagbidahan nila ni Coco Martin. Nominado rin siya for Movie Supporting Actress of the Year para sa pelikulang Here Comes The Groom. At ang isa pang nominasyon niya, ay sa kategoryang Darling of the  Press, na ang mga kalaban niya ay sina Alden Richards, Gretchen Barretto,Liza Diño-Seguerra,Piolo Pascual,Ramon “Bong” Revilla, Jr., Rei Anicoche-Tan, at Robin Padilla.

In fairness, isa si Gladys sa mga artistang may pagmamahal at pagpapahalag sa press,hindi lang sa mga member ng PMPC, kaya na-nominate siya para sa Darling of The Press. 

Sa 1st Summer Film Festival 2023, ay si Gladys sa itinanghal na Best Actress dahil sa hindi matatawarang akting na ipinamalas niya sa Apag, na naging dahilan para mapansin din siya ng Star Awards  For Movies at na-nominate bilang Movie Actress of the Year.

Si Gladys din kaya ang tanghaling Movie Actress of the Year sa 4OTH Star Awards For Movies? ‘Yan ang ating aabangan.

Sa Movie Supporting Actress category, na napakahusay ni Gladys sa Here Comes The Groom, siya kaya ang paboran ng voting members ng PMPC? Maiuwi kaya niya ang Movie Supporting Actress  of the Year trophy ? ‘Yan din ang ating aabangan. Pero in fairness, napakahusay niya sa Here Comes The Groom, huh!.