LA Santos Best Supporting Actor ng 72nd FAMAS award

MA at PA
ni Rommel Placente

SI LA Santos ang is tinanghal na Best Supporting Actor sa katatapos na 72nd FAMAS Awards, na ginanap sa Manila Hotel noong Linggo ng gabi para sa pelikulang In His Mother’s Eyes.

In fairness, deserving ang young actor-singer sa award na kanyang natanggap. Ang husay-husay niya sa nasabing pelikula. 

Nagampanan niya wth flying colors ang role niya bilang isang special child. Si Maricel Soriano ang gumanap na  kanyang ina.

Sa acceptance speech ni LA, hindi niya nakalimutang pasalamatan ang kanyang Mommy Flor sa pagiging very supportive sa kanyang career.

Narito ang acceptance speech ni LA.

“Unang-una po, gusto ko pong pasalamatan si Lord, for giving me a chance to be an actor po. I really really love acting po. Sobrang na-inlove na po ako sa craft. 

“Gusto ko rin pong pasalamatan of course ang mommy ko po, si Miss Flor Santos. Forever mama’s boy po ako. Gusto ko rin pong pasalamatan si Direk FM Reyes (director ng ‘In His Mother’s Eyes’), grabe po ‘yung patience niya sa akin,” sabi ni LA.

Hindi rin nakalimutang pasalamatan ni LA ang lahat ng mga nakasama niya sa In His Mothers Eyes, ang buong cast and crew, gayundin ang humahawak sa kanyang showbiz career, ang JRB Creative Production. At siyempre, sobrang nagpapasalamat si LA sa juries ng FAMAS, sa pagkakapili sa kanya bilang Best Supporting Actor.