Ate Vi kabi-kabila ang parangal na natatanggap

PUSH NA’YAN
ni Ambet Nabus

HALOS nasa kalahating taon pa lang tayo ng 2024, pero sa mga bonggang kaganapan sa showbiz ay rampang-rampa talaga ang pagbibigay parangal sa ating Star For All Seasons at mahal naming kumare-idolong si Vilma Santos.

Remember, isang pelikula lang ang nagawa niya last year and yet, siya lagi ang nagiging batayan ng mga award-giving bodies pagdating sa husay at pagiging makabuluhan.

Grabe, very consistent talaga ang halos lahat ng mga award giving derbies sa pagpaparangal sa mga nagawa ni Ate Vi. 

Last Sunday, pinarangalan siya ng GMMA (Guillermo Mendoza Memorial Award) bilang Box-office Iconic Star at Film Actress of the Year. Kung ilang beses na niya itong nakuha since decades back, pero wala talagang magagawa kung nag-uumapaw ang ebidensya ng mga naitalang record bilang patunay gaya ng sa last project niyang When I Met You in Tokyo.

Kaya sa mga naiinggit pa rin diyan, mas makabubuting gumawa na lang din kayo ng mga obra at likhang-sining na  ‘relevant, timeless, may mass appeal, kumikita sa takilya at may positibong impact sa majority.’

Mainggit ng tama, wasto at may ipinakikitang resibo ‘ika nga hahahaha!