HATAW! D'yaryo ng Bayan hatawtabloid.com
MA at PA
ni Rommel Placente
NAGBABALIK ang mga bida ng Senior High na pinagbibidahan ni Andrea Brillantes para sa season 2 ng serye nilang High Street.
Bukod sa mga nagbabalik na karakter, kabilang na rin sa High Street sina Dimples Romana, Romnick Sarmenta, AC Bonifacio, Ralph De Leon, at Harvey Baustista, ang gwapong anak nina dating QC Mayor Herbert Bautista at Tates Gana.
Sa High Street ay gumaganap dito si Harvey bilang si Wesley, ang camera man ni Sky (Andrea).
“Si Wesley kasi ano siya, madiskarte. ‘Yun ‘yung I think, maitutulong niya sa team ni Sky.
“Nakahanap siya ng paraan para matapos ‘yung story. Determined siya. I think yun’ ‘yung similarity namin,” kuwento ni Harvey tungkol sa kanyang role na hindi niya natapos ang sasabihin dahil pinutol na ito ng host ng mediacon na si EJ Salut para hindi maging spoiler sa kanyang role.
Sa tanong kay Harvey kung kamusta ang first taping niya para sa High Street, ang sagot niya, “Masaya siyempre, may kaunting adjustment pa rin sa akin. Kumbaga, nakikihabol pa lang sa mga convos nila. But it’s been fun so far.”
Hindi first time na nakatrabaho ni Harvey si Andrea. Nakatrabaho niya na ang ex ni Ricci Rivero before sa seryeng Hawak Kamay, na pinagbidahan ni Piolo Pascual. Kasama rin dito sina Zaijian Jaranilla at Xyriel Manabat. Kaya maituturing niyang nostalgic para sa kanya na muling makatrabaho ang tatlo.
Ang High Street ay mula sa direksiyon nina Onat Diaz at Lino Cayetano.
Huwag palampasin ang premiere ng High Street ngayong Mayo 13 (Lunes) ng 9:30 p.m. sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment.
