Belle nag-walk out sa taping ng serye nila ni Donny

MA at PA
ni Rommel Placente

NAG-WALK OUT pala si Belle  Mariano sa taping ng top-rating series ng ABS-CBN  na Can’t Buy Me Love, na pinagbibidahan nila ng ka-loveteam na si Donny Pangilinan. Ang huli mismo ang nagbisto sa ginawang pag-walk-out ng una sa pamamagitan ng pag-post niya ng video sa Facebook.

Ayon kay Donny, may isang eksena kasi sila sa serye na magkasama sa closet ni Belle.

Noong una raw, ay pekeng ipis ang ginamit bilang props, ngunit nang gamitin na ang totoong ipis, bigla na lamang daw naglaho sa closet si Belle.

“Nag-walkout siya in a good way. Alam naman nila na takot siya sa ipis,” sabi ni Donny na natatawa.

Ngayong nalalapit na ang pagtatapos ng serye, nalungkot ang mga tagahanga ng DonBelle.

“Sana extended pa ang CBML pls. naku wala na kaming papanooran gabi gabi sa Netflix TV malungkot na nman ang life namin dito sa aming compound, yan lng ang aming pinapanood at sinusubaybayan ang CBML. avid fan talaga kami ng DonBelle ang galing nila umacting at bagay talaga silang dalawa Donny at Belle kinikilig kami sa kanila,” sabi ng isang tagahanga ng Donbelle.

“Bakit nman nalulungkot Ako, ilang ng to. Please wag nyo tapusin ang Can’t Buy Me Love, or pwede gawa kayo ulit teleserye na Donbelle ang bida,” sabi ng isa pang fan.