HATAW! D'yaryo ng Bayan hatawtabloid.com
MA at PA
ni Rommel Placente
BALIK-KAPUSO si Ogie Alcasid matapos ang contract signing ng ABS-CBN at GMA 7 para sa pagpapalabas ng It’s Showtime sa Kapuso.
Simula sa April 6, Sabado ay mapapanood na sa GMA 7 ang noontime show.
Naging emosyonal si Ogie sa isang panayam dahil nga sa napakainit na pag-welcome sa kanila ng mga bossing ng GMA 7.
Si Ogie ay nagsimula sa GMA 7 bago siya napunta sa ABS-CBN. Ang naging show niya rito ay ang Bubble Gang at ang dating musical show na SOP.
“Naluluha ako because of joy. Dito ako nanggaling noon, tapos ito at nakabalik ako. It’s an emotional journey. Sino ba ang makapagsasabi? Only God,” ang pahayag ni Ogie.
Ayon pa sa singer-TV host, umaasa siya na muling makasama ang mga kasamahan niya noon sa SOP.
“Maganda, magsasama-sama kami for a great production number, we can relieve the old ‘SOP’ days, that would be nice.
“Maybe nandiyan sina Jolina (Magdangal), sina Janno (Gibbs), Regine (Velasquez), Jaya. Maybe gagawin ko ‘yun sa birthday ko,” excited na sey pa ni Ogie.
Para naman kay Karylle, isang napakalaking blessing ang pagbabalik niya sa GMA na naging tahanan din niya ng ilang taon bago rin siya lumipat sa ABS-CBN.
“For me personally it’s almost like a homecoming also because I was welcomed back by the Kapuso bosses and I felt talagang very, very special and very, very welcome,” sabi ni Karylle.
