Paulo-Kim chemistry umaapaw, teaser ng bagong serye kinagiliwan

MA at PA
ni Rommel Placente

DAHIL naging matagumpay ang unang seryeng pinagsamahan nila sa Linlang, heto’t binigyan na agad ng follow-up project ng ABS-CBN sina Kim Chiu at Paulo Avelino. Ito ang Filipino adaptation ng hit South Korean series na What’s Wrong With Secretary Kim.

Approved sa ilang mga K-Drama fan na sina Kim at Paulo ang napili para magbida sa serye. At lalong approved ito sa Kim-Pau fans. Sobra silang happy na muli nilang mapapanood regularly sa telebisyon ang kanilang mga idolo.

Mula sa produksiyon ng Dreamscape Entertainment, ito na ang kanilang ikatlong pakikipagsanib-puwersa sa Viu after The Broken Marriage Vow at Flower of Evil.

Napanood na namin ang teaser ng What’s Wrong With Secretary Kim, at bagay nga kina Kim at Paulo ang kanilang role. At talagang may chemistry sila, huh!

Nakakikilig talaga silang panoorin sa screen.

Narito ang ilan sa comments na nabasa namin sa mga nakakita na ng teaser.

Anonymous: “ayay! Super kilig! Sana sila ang forever! after watching Linlang sa Prime Video super kilig talaga ang chemistry nila, so clamor ng fans to na mag team up sila and now here it is!”

“In fairness, kahit matanda na ako kinikilig pa rin ako sa kanila ha. Kung magkatuluyan man sila o hindi, wish ko masaya at healthy sila pareho.”

“Winner!!!:)”

“ayy grabe bagay na bagay sila..lakas ng chemistry ni KimPau”