HATAW! D'yaryo ng Bayan hatawtabloid.com
PUSH NA’YAN
ni Ambet Nabus
NABUKING si David Licauco na posible raw na nanonood ng mga porn movies o malamang na may subscription daw sa mga porn site.
Dahil nga ito sa naging sagot niya sa Family Feud tungkol sa tanong na MARIA na kailangang dugtungan ang name.
Sa dinami-dami naman daw kasi ng mga kilalang MARIA na medyo wholesome ang image at pagkakakilanlan, eh ang OZAWA pa ang naidugtong ni David.
Si Maria Ozawa ay isang kilalang Japanese porn star na minsan na ring na-link sa aktor na si Cesar Montano nang minsan itong bumisita ng bansa years back.
Nakantiyawan tuloy si David at inisip na nga ng mga nakaaalam lalo na ng mga kalalakihan na kaya siguro nakilala ng aktor ang porn star ay dahil sa napapanood niya ito o pinanonood niya.
Tawa lang ng tawa si David nang makorner siya sa naturang show, pero para naman sa maraming lalaki, wala naman silang nakikitang mali if ever nanonood o may link sa porn site ang aktor.
Ganoon!
Samantala, makasaysayan ang MMFF 2023 na nabasag nito ang record ng pinakamalaking kinita ng taunang filmfest na naitala noong 2018.
Umabot na sa P1.069-B ang gross sales ng 10 official entries ng MMFF na tumakbo mula December 25, 2023 hanggang January 7, 2024.
Nalagpasan na nito ang kinita ng walong pelikulang kalahok sa MMFF 2018 na umabot naman sa P1.061-B sa dalawang linggong pagpapalabas nito sa mga sinehan. At dahil na rin sa kahilingan ng marami, pinalawig na hanggang January 14 ang pagpapalabas ng 10 film entries sa mga lokal na sinehan.
