MTRCB suportado ang MMFF, maglilibot sa mga sinehan

PUSH NA’YAN
ni Ambet Nabus

KAHIT Pasko ay trabaho pa rin ang inatupag ni MTRCB (Movie and Television Review and Classification Board) Chairwoman Lala Sotto kasama ng iba pang mga opisyal ng ahensiya.

Full support sila sa ongoing na MMFF at malinaw ang adhikain nilang ibalik ang sigla ng panonood ng mga tao sa mga sinehan.

Malinaw din ang instruction o direktibang kanilang ipinatutupad na bawal munang gamitin ang mga deputy card ng MTRCB sa panahon ng pestibal para mas makatiyak na ng box-office returns sa mga producer.

Maglilibot din sa mga sinehan sa buong bansa ang MTRCB officials para

matiyak na maayos itong naipatutupad.

Come 2024, buo pa rin ang plano ng ahensiya na tumulong sa pagpapalakas ng movie industry habang may project naman sila para sa TV upang mas paigtingin ang pagpapatupad ng mga alituntunin at maiwasan ang mga previous issues lalo na sa mga noontime show.

“Part of the job. Mahirap, hindi madali but we are on it and we are always on the guard,” sey pa ni Chairwoman Sotto na nag-wish na sana ay gumaling na ang lahat ng mga taong may pinagdaraanan at karamdaman at magkaroon ng mas matiwasay na sitwasyon ang bansa lalo na sa usapin ng peace and order.

At bilang panghuli, sinabi nitong katulong ang MTRCB ng movie and TV industries para matiyak ang majority na napapasaya at napaglilingkuran nito.