Derek makapag-uwi kayang muli ng tropeo sa MMFF?

PUSH NA’YAN
ni Ambet Nabus

RAMDAM namin ang naging kalungkutan o frustration ni Derek Ramsay sa nangyari sa asawa nitong si Ellen Adarna.

After palang matanggal ang IUD (contraceptive method) kay Ellen ay nabuntis ito agad but sadly, nakunan naman. Nangyari itong lahat noong nasa Spain sila.

Mababakas sa pagkukuwento ng aktor ang matinding kalungkutan at pagkabahala lalo’t plinano nga nilang mag-asawa ang magkaroon na ng sariling anak.

No wonder sa Metro Manila Film Festival entry nitong Kampon, sobra siyang naka-relate sa kanyang role bilang isang ex-cop na praning na praning sa kung bakit hindi sila makabuo ng anak ng asawa niyang si Beauty Gonzales.

At nang dumating nga ang isang bata sa kanilang bahay out of the blue (na naging anak pala ni Derek sa pagkakasala), roon na nagsimula ang horror ng kuwento.

Twice nang nanalo bilang Best Actor sa MMFF si papa D. This time kaya ay magka-totoo ang kasabihang, “it comes in three?”