HATAW! D'yaryo ng Bayan hatawtabloid.com
PUSH NA’YAN
ni Ambet Nabus
TUNAY namang grand mediacon ang ibinigay ng 7K Entertainment sa mga kapatid sa multi-media para sa pelikulang In His Mother’s Eyes.
Bago pa mag-pandemic namin huling nasaksihan ang isang mediacon na dinaluhan ng mahigit sa 100 members of the entertainment media.
Ang 7K Entertainment ang production outfit ng Maricel Soriano-Roderick Paulate- LA Santos starrer na family drama tungkol sa mag-ina at magkapatid at mga isyung kaugnay nito.
Nakakaloka ang husay ng tatlong artista base pa lang sa trailer na napanood namin. Hindi pa rin talaga kumukupas ang galing nina inay Maria at kuya Dick, pero big revelation nga si LA dahil nakasabay siya sa galing ng mga ito.
Maniwala po kayo sa amin, ibang klaseng drama ito na idinerehe ni FM Reyes at isinulat nina Gina Marissa Tagasa at Gerry Gracio.
Masusulit na ang inyong pera at panahon, makare-relate pa kayo sa ganda ng movie at husay gumanap ng mga artista.
Bukod nga kina Maricel, Roderick, at LA, kasama rin sina Ruby Ruiz, Ogie Diaz, Vivoree, Maila Gumila, at marami pang iba.
Showing na po ito ngayong Nov. 29. Kita-kits sa mga sinehan.
