Ronnie Lazaro sa mga hubadero ngayon — Matatapang, ibang klase ang pagiging mapangahas

PALABAS na sa VivaMax ang ARARO na pinagibidahan nina Robb Guinto, Micaella Raz, Vince Rillon, at iba pa with the special participation of Ronnie Lazaro.

Ang anak-anakan naming si direk Topel Lee ang nagdirehe ng 4-part series na ito na may kakaibang tema tungkol sa pagpapalago ng mga tanim at kung paano itong ina-araro at inire-relate sa kuwento ng buhay ng mga bida.

“I just want to experience how direk Topel tell his story in a manner na may sensuality, sex and family drama,” sey ng award-winning friend nating si tito Ronnie.

Kilala na rin ni Tito Ronnie ang pamilyang pinanggalingan ni direk Topel kaya’t sobra ang tiwala niya rito. “I know his family na galing din sa pamilya ng mga nasa industry din. I also know some of his works pati na ‘yung mga naging training niya kina Ricky Lee at iba pa,” dagdag pa nito.

“Matatapang. Ibang klase ang pagiging mapangahas nila. Unlike us noong araw, obsolete na kumbaga ang nagawa namin noon kung paseksihan at kakaibang sensuality ang ipakikita. But this is I supposed a very good series. Maganda ang istorya, mahusay ang produksiyon kaya’t hindi ito ‘yung maghuhubad lang para maghubad,” paliwanag pa ni tito Ronnie tungkol sa mga kasamahang artista at mismong sa ARARO series.

Nakilala noon bilang hubadero at bombero sa movies si Ronnie, bago pa man siya naging batikan at award-winning actor.